Producións TeatrAis EXCÉNTRICAS

Tras 30 funcións, milleiros de espectadorxs e máis da metade das sesións con entradas esgotadas, OS DOUS DE SEMPRE encara nos próximos días o peche da súa exitosa xira de primavera coas seguintes funcións:

• Xoves 28 dentro da programación de Galicia Escena PRO
• Venres 29 no Centro Cultural da Guarda (21:00h)
• Sábado 30 no Teatro da Beneficencia de Ortigueira (20:30 h)

Despois dunhas máis que merecidas vacacións de Pedriño, Rañolas e todas as personaxes que habitan esta fantástica versión de Varela & Cadaval sobre o clásico de Castelao, o espectáculo protagonizado por Evaristo Calvo, Víctor Mosqueira e Josito Porto regresará aos escenarios no verán para unha única función na Mostra de Teatro de Cariño (4 de agosto), antes dunha intensa xira de outono que levará OS DOUS DE SEMPRE ás seguintes localidades: Culleredo (25 set), Vimianzo (26 set), O Rosal (27 set), Carral (2 out), Oleiros (3 out), Brión (9 out), Ribeira (16 out), Melide (18 out), Outes (7 nov), Neda (13 nov), O Porto do Son (14 nov), A Pobra do Caramiñal (15 nov) e O Grove (21 nov).

Mofa e Befa asumen o maior desafío da sua carreira como apóstolos do perralleirismo. Co seu tosco e agresivo instrumental escénico, propóñense revelar para un público sen horizontas morais, o libro que ateosura ma maior sabedoría: A Arte da Guerra. para logralo contan coa equilibrada figura de Josito Porto, no rol de mestre oriental con acento da Arousa.

Militares, salteadores de bancos, yuppies, estrelas do pop-folk, tradicantes de seres humanos, figuras da televisión, influencers, líderes mundias alaranxados, futbolistas de élite... e moitos máis, serán pasados pola pedra do perralleirismo, para asombro e euforia do público.

Quico Cadaval



Sun Zi di, “a arte da guerra fúndase no engano”. É esta cita do Mestre Sun que anima esta versión teatral do seu mítico tratado militar, comandada por Mofa e Befa. Unha saborosa sátira da nosa época, acuciada polo rexurdir do

belicismo en todo o planeta.

A Arte da Guerra é un desfile de reis, xenerais, concubinas, guerrilleiros, espías, magnates, adestradores de fútbol, actores de acción, xestores de empresas, avogadas matrimoniais, e outras xentes complicadas en singulares conflictos humanos que a astucia de Mofa e Befa aproveita para urdir un retablo urxente dun mundo en colisión.

A fuxir da fame e a miseria nunha noite de tormenta, o dúo é instruído nos principios da guerra e a autodefensa por un mestre de bushido en paro, Mixamoto Mashashi. O encontro é detonante dun xogo de espellos tortos, entre o soño e o real, que dá conta da condición humana baixo a luz da vella sabedoría militar chinesa.

Un espectáculo rápido como o vento, silencioso como unha fraga, feroz coma o fogo e inmóbil como unha montaña.

Carlos Santiago