Producións TeatrAis EXCÉNTRICAS

Podemos afirmar, sen medo a equivocarnos, que OS DOUS DE SEMPRE é un dos grandes éxitos teatrais da tempada. A partir do clásico de Castelao e nunha versión libre asinada por Varela e Cadaval, o espectáculo conquistou públicos de toda Galicia grazas ás memorables interpretacións de Evaristo Calvo, Víctor Mosqueira e Josito Porto.

Desde a súa estrea, o 17 de outubro de 2025, e ata o día de hoxe, a produción suma xa 47 funcións, moitas delas con entradas esgotadas e rematadas entre longos aplausos do público. Máis de 20.000 espectadoras e espectadores acompañaron xa a Pedriño, Rañolas e ao inesquecible universo humano e literario creado por Castelao.

Tralo seu paso por Rianxo, a Mostra de Moaña, Arteixo, o FITO de Ourense, Sada, Ames, a Sala Ártika de Vigo, Narón, Padrón, Lugo, Allariz, Muros, Vilagarcía de Arousa, Noia, O Carballiño, Pontevedra, Negreira, A Laracha, Compostela, Catoira, Burela, A Coruña, A Guarda, Ortigueira e Cariño, OS DOUS DE SEMPRE retoman en outono a súa exitosa xira con funcións en Culleredo, Vimianzo, O Rosal, Carral, Oleiros, Brión, Cee, Ribeira e Melide.

Tomade nota porque estas son as vinderias datas: As Pontes (30 de outubro), Monforte de Lemos (5 de novembro), Outes (7 de novembro), Neda (13 de novembro), Porto do Son (14 de novembro), A Pobra do Caramiñal (15 de novembro), O Grove (21 de novembro), Betanzos (5 de decembro) e Bugallido (13 de decembro).

Ademáis o espectáculo foi seleccionado para participar no Ciclo Outono das Artes organizado por Cultura da Deputación da Coruña coa representación de 5 funcións en Carral, Melide, Outes, Neda e A Pobra do Caramiñal.

A viaxe continúa.

A ARTE DA GUERRA, o novo proxecto de MOFA E BEFA é unha coprodución de Excéntricas co FIOT a estrear o 23 de outubro dentro da programación da 35º edición do festival. Continuando co éxito de OS DOUS DE SEMPRE, Evaristo Calvo e Víctor Mosqueira repiten con Josito Porto como compañeiro en escena. Acompañan nesta viaxe polas enseñanzas de Sun Zí, Carlos Santiago (dramaturxia & dirección), Kukas (escenografía) ou Octavio Mas (iluminación).



Mofa e Befa asumen o maior desafío da sua carreira como apóstolos do perralleirismo. Co seu tosco e agresivo instrumental escénico, propóñense revelar para un público sen horizontas morais, o libro que ateosura ma maior sabedoría: A Arte da Guerra. para logralo contan coa equilibrada figura de Josito Porto, no rol de mestre oriental con acento da Arousa.

Militares, salteadores de bancos, yuppies, estrelas do pop-folk, tradicantes de seres humanos, figuras da televisión, influencers, líderes mundias alaranxados, futbolistas de élite... e moitos máis, serán pasados pola pedra do perralleirismo, para asombro e euforia do público.

Quico Cadaval

Sun Zi di, “a arte da guerra fúndase no engano”. É esta cita do Mestre Sun que anima esta versión teatral do seu mítico tratado militar, comandada por Mofa e Befa. Unha saborosa sátira da nosa época, acuciada polo rexurdir do

belicismo en todo o planeta.

A Arte da Guerra é un desfile de reis, xenerais, concubinas, guerrilleiros, espías, magnates, adestradores de fútbol, actores de acción, xestores de empresas, avogadas matrimoniais, e outras xentes complicadas en singulares conflictos humanos que a astucia de Mofa e Befa aproveita para urdir un retablo urxente dun mundo en colisión.

A fuxir da fame e a miseria nunha noite de tormenta, o dúo é instruído nos principios da guerra e a autodefensa por un mestre de bushido en paro, Mixamoto Mashashi. O encontro é detonante dun xogo de espellos tortos, entre o soño e o real, que dá conta da condición humana baixo a luz da vella sabedoría militar chinesa.

Un espectáculo rápido como o vento, silencioso como unha fraga, feroz coma o fogo e inmóbil como unha montaña.

Carlos Santiago