Producións TeatrAis EXCÉNTRICAS

Josito Porto, Víctor Fábregas, José Blanco, Leti da Taberna e Quico Cadaval protagonizan a primeira edición do Ciclo CónClave do humor, que se celebrará todos os xoves de agosto ás 22:00 horas en diferentes espazos da vila.

Cinco propostas, cinco estilos diferentes e cinco das voces máis singulares do panorama humorístico galego conforman unha programación que combina monólogo, narración oral, retranca e improvisación, ofrecendo un percorrido pola diversidade do humor feito en Galicia.

O ciclo arrancará o xoves 6 de agosto coa estrea en Rianxo de Laretadas, o novo espectáculo de Josito Porto, que finalmente terá lugar na Praza de Padrón, debido ao cambio de localización previsto pola organización.

A programación continuará o 13 de agosto na mesma praza coa actuación de Víctor Fábregas e José Blanco, dous humoristas cunha ampla traxectoria e estilos moi persoais que prometen unha noite chea de gargalladas.

O 20 de agosto, o Campo de Arriba acollerá a actuación de Leti da Taberna, unha das creadoras de contido e humoristas con maior proxección dos últimos anos, que levará ao escenario a súa particular visión da vida cotiá.

Como broche final, o 27 de agosto, será a quenda de Quico Cadaval, mestre da palabra e un dos grandes referentes da narración oral e do humor galego contemporáneo, que pechará o ciclo na Praza Rafael Dieste.

Todas as funcións darán comezo ás 22:00 horas e serán de acceso libre, convertendo Rianxo nun dos grandes puntos de encontro do humor durante este verán.

Mofa e Befa asumen o maior desafío da sua carreira como apóstolos do perralleirismo. Co seu tosco e agresivo instrumental escénico, propóñense revelar para un público sen horizontas morais, o libro que ateosura ma maior sabedoría: A Arte da Guerra. para logralo contan coa equilibrada figura de Josito Porto, no rol de mestre oriental con acento da Arousa.

Militares, salteadores de bancos, yuppies, estrelas do pop-folk, tradicantes de seres humanos, figuras da televisión, influencers, líderes mundias alaranxados, futbolistas de élite... e moitos máis, serán pasados pola pedra do perralleirismo, para asombro e euforia do público.

Quico Cadaval



Sun Zi di, “a arte da guerra fúndase no engano”. É esta cita do Mestre Sun que anima esta versión teatral do seu mítico tratado militar, comandada por Mofa e Befa. Unha saborosa sátira da nosa época, acuciada polo rexurdir do

belicismo en todo o planeta.

A Arte da Guerra é un desfile de reis, xenerais, concubinas, guerrilleiros, espías, magnates, adestradores de fútbol, actores de acción, xestores de empresas, avogadas matrimoniais, e outras xentes complicadas en singulares conflictos humanos que a astucia de Mofa e Befa aproveita para urdir un retablo urxente dun mundo en colisión.

A fuxir da fame e a miseria nunha noite de tormenta, o dúo é instruído nos principios da guerra e a autodefensa por un mestre de bushido en paro, Mixamoto Mashashi. O encontro é detonante dun xogo de espellos tortos, entre o soño e o real, que dá conta da condición humana baixo a luz da vella sabedoría militar chinesa.

Un espectáculo rápido como o vento, silencioso como unha fraga, feroz coma o fogo e inmóbil como unha montaña.

Carlos Santiago